當年因為確診時發現骨髓造血功能出問題，一入醫院未開始打化療前就已經要緊急輸血漿、血小板。
後來因為化療副作用，令到骨髓造血功能不良，每次起碼要輸各兩包血小板、血，雖然會因為外輸嘅血而出現敏感症狀（例：出紅疹、發燒），但為咗可以打化療保命，你唔用唔得！
可能你會諗自己咁後生，唔會需要用到其他人捐嘅血（連我自己未有事時都會有咁嘅諗法），但係冇人可以預計將來會發生咩事而有呢個需要。
另一方面，血冇可能加工後製，冇其他替代品取代到。
可惜我康復後未能捐血救人，所以藉此呼籲大家如果身體狀況許可的話，可以幫幫手，真係擔心會感染新冠肺炎，可以捐血前先諮詢醫護人員建議。
https://www.facebook.com/151073318295920/posts/3052753858127837/?d=n
Search